એશિયન ગેમ્સ 2026ના 12મા દિવસે ભારતે મહિલા કમ્પાઉન્ડ તીરંદાજીમાં સુવર્ણ ચંદ્રક જીત્યો છે. જ્યોતિ સુરેખા વેન્નમ, પૃથિકા પ્રદીપ અને ચિકિતા તનિપાર્થીની ભારતીય ટીમે ગોલ્ડ મેડલની મેચમાં ચીનને 238-234થી હરાવી ખિતાબ પોતાના નામે કર્યો.
ભારતીય ટીમે 238 પોઈન્ટના સ્કોર સાથે દક્ષિણ કોરિયાના વિશ્વ રેકોર્ડની બરાબરી પણ કરી. સેમિફાઇનલમાં ભારતે દક્ષિણ કોરિયાને 234-233થી હરાવી ફાઇનલમાં સ્થાન મેળવ્યું હતું.
દરમિયાન, કમ્પાઉન્ડ મિક્સ્ડ ટીમે થાઇલેન્ડને 156-155થી હરાવી ફાઇનલમાં પ્રવેશ કર્યો છે. મહિલા સ્ક્વોશ ટીમે પણ સિંગાપોરને 2-0થી હરાવી સેમિફાઇનલમાં જગ્યા બનાવી છે, જેના કારણે ભારતનો વધુ એક મેડલ નિશ્ચિત થયો છે.
આ સાથે ભારતના મેડલની સંખ્યા 7 ગોલ્ડ, 21 સિલ્વર અને 25 બ્રોન્ઝ સહિત કુલ 53 થઈ છે. જ્યૂડોમાં અશ્મિતા ડેએ મહિલા 48 કિગ્રા વર્ગમાં વિયેતનામની ખેલાડીને હરાવી ક્વાર્ટર ફાઇનલમાં પ્રવેશ કર્યો છે, જ્યારે ગ્રીકો-રોમન 87 કિગ્રામાં સુનીલ કુમાર સેમિફાઇનલમાં જાપાનના યોશિદા તાઇઝો સામે 11-0થી હારી ગયા બાદ હવે રિપેચેજ દ્વારા બ્રોન્ઝ માટે પ્રયાસ કરશે.
