1 ઓક્ટોબર 2026થી WhatsAppના Business Platformના મેસેજિંગ ચાર્જમાં ફેરફાર થવાનો છે. આ ફેરફાર સામાન્ય WhatsApp યુઝર્સ માટે નથી. પરિવાર, મિત્રો કે ગ્રુપમાં ચેટ કરતા યુઝર્સને દરેક મેસેજ માટે કોઈ ચાર્જ ચૂકવવો પડશે નહીં.
નવા નિયમ મુજબ કંપનીઓ દ્વારા ગ્રાહકોને મોકલવામાં આવતા Order Confirmation, Delivery Update અને અન્ય Utility Messages માટે ચાર્જ લાગશે. અગાઉ ગ્રાહક સાથે વાતચીત શરૂ થયા બાદ 24 કલાકની વિન્ડોમાં આવા કેટલાક મેસેજ મફતમાં મોકલી શકાતા હતા, પરંતુ 1 ઓક્ટોબરથી આ વ્યવસ્થામાં ફેરફાર થશે.
ભારતમાં કેટલો ચાર્જ?
ભારતમાં Utility Message માટે રૂ.0.115 પ્રતિ ડિલિવર થયેલા મેસેજનો દર રહેશે, જેમાં GST સામેલ નથી. એટલે કે કંપની 1,000 ચાર્જેબલ Utility Messages મોકલે તો GST પહેલાં રૂ.115નો ખર્ચ થશે, જ્યારે 10,000 મેસેજ માટે રૂ.1,150નો ખર્ચ થશે.
આ ઉપરાંત Marketing Messages એટલે કે ઓફર, પ્રમોશન અને સેલ સંબંધિત મેસેજ માટે રૂ.0.8631 પ્રતિ મેસેજનો દર છે. જ્યારે Authentication Messages, જેમ કે OTP માટે રૂ.0.115 પ્રતિ મેસેજનો દર રહેશે.
દર મહિને 1,000 Service Messages મફત
Meta દરેક Business Phone Number માટે દર મહિને પ્રથમ 1,000 પાત્ર Service Messages મફત આપશે. ત્યારબાદના મેસેજ પર લાગુ દર પ્રમાણે ચાર્જ વસૂલવામાં આવશે. ઉદાહરણ તરીકે, 1,500 ચાર્જેબલ મેસેજ મોકલવામાં આવે તો પ્રથમ 1,000 મફત રહેશે અને બાકીના 500 પર ચાર્જ લાગશે.
સામાન્ય WhatsApp યુઝર્સ પર કોઈ અસર નહીં
સામાન્ય યુઝર્સ માટે સૌથી મહત્વની વાત એ છે કે WhatsApp પર મેસેજ મોકલવા માટે કોઈ નવો પ્રતિ-મેસેજ ચાર્જ લાગવાનો નથી. પરિવાર, મિત્રો અને ગ્રુપ સાથેની સામાન્ય ચેટ પહેલાની જેમ ચાલુ રહેશે. ગ્રાહક દ્વારા કોઈ બિઝનેસને WhatsApp પર મેસેજ કરવામાં આવે ત્યારે પણ ગ્રાહક પાસેથી અલગ મેસેજિંગ ફી વસૂલવામાં આવશે નહીં.
આ ફેરફાર મુખ્યત્વે WhatsApp Business Platform મારફતે મોટા પાયે ગ્રાહકોને મેસેજ કરતી કંપનીઓના ખર્ચ અને મેસેજિંગ વ્યવસ્થાને અસર કરશે.
