LPG ગેસ કનેક્શનધારકો માટે e-KYC કરાવવાની સમયમર્યાદા 23 ઓગસ્ટ સુધી લંબાવવામાં આવી છે. અગાઉ આ માટે 16 ઓગસ્ટ છેલ્લી તારીખ નક્કી કરવામાં આવી હતી. ગેસ કંપનીઓની મોબાઈલ એપમાં ટેકનિકલ સમસ્યાઓ, સર્વર ડાઉન અને ગેસ એજન્સીઓ પર વધતી ભીડને કારણે મુદત વધારવાનો નિર્ણય લેવાયો છે.
જે ગ્રાહકોએ અગાઉથી e-KYC પૂર્ણ કરી લીધી છે, તેમણે ફરીથી પ્રક્રિયા કરવાની જરૂર રહેશે નહીં. 23 ઓગસ્ટ સુધી e-KYC નહીં કરાવનારનું ગેસ કનેક્શન રદ નહીં થાય, પરંતુ સરકારી સબસિડી બંધ થઈ શકે છે.
ગ્રાહકો પોતાની ગેસ કંપનીની અધિકૃત એપમાં આધાર નંબર અને ફેસ સ્કેનિંગ દ્વારા e-KYC પૂર્ણ કરી શકે છે. આ ઉપરાંત ગેસ એજન્સી પર અથવા ઘરે સિલિન્ડર પહોંચાડવા આવતા ડિલિવરીમેનના બાયોમેટ્રિક મશીન પર ફિંગરપ્રિન્ટ આપીને પણ પ્રક્રિયા પૂર્ણ કરી શકાશે.
