પંજાબના તરનતારણ નજીક ભારત-પાકિસ્તાન સરહદ પર ઘુસણખોરીનો પ્રયાસ કરી રહેલા બે પાકિસ્તાની ઘુસણખોરોને BSFના જવાનોએ ઠાર કર્યા હતા. બંને શખસો સરહદ પાર કરીને ભારતીય વિસ્તારમાં પ્રવેશવાનો પ્રયાસ કરી રહ્યા હતા.
BSFના જવાનોએ ઘુસણખોરોને રોકવા માટે ચેતવણી આપી હતી, પરંતુ તેઓ આગળ વધતા રહ્યા હતા. ત્યારબાદ સુરક્ષા દળોએ કાર્યવાહી કરતાં સરહદ પર થયેલા ફાયરિંગમાં બંને ઘુસણખોરો ઠાર થયા હતા.
ઘટના બાદ પંજાબ સહિત ભારત-પાકિસ્તાન સરહદ પર સુરક્ષા વ્યવસ્થા વધુ કડક કરવામાં આવી છે. સરહદી વિસ્તારોમાં પેટ્રોલિંગ અને દેખરેખ વધારવામાં આવી છે. જમ્મુ-કાશ્મીરથી પંજાબ, રાજસ્થાન અને ગુજરાત સુધીની ભારત-પાકિસ્તાન સરહદ પર પણ સુરક્ષા દળોને વધુ સતર્ક રહેવા સૂચના આપવામાં આવી છે.
