અયોધ્યાના રામમંદિર ચઢાવા ચોરી વિવાદમાં ચંપતરાય અને અનિલ મિશ્રાને મોટી રાહત મળી છે. યોગી સરકાર દ્વારા રચાયેલી SITએ અંતિમ રિપોર્ટ રાજ્ય સરકારને સોંપી દીધો છે, જેમાં બંનેના નામ સામેલ ન હોવાનું સૂત્રોએ જણાવ્યું છે.
ચઢાવા ચોરીનો મામલો સામે આવ્યા બાદ બંનેની ભૂમિકા અંગે સવાલો ઉઠ્યા હતા. જોકે SITની તપાસમાં બંને સામે કોઈ ભૂમિકા ન હોવાનું સામે આવ્યું છે. કેસમાં અગાઉ ધરપકડ કરાયેલા 8 આરોપીઓનાં નામ રિપોર્ટમાં સામેલ હોવાનું જાણવા મળ્યું છે.
ઉલ્લેખનીય છે કે આ કેસમાં રામ જન્મભૂમિ ટ્રસ્ટના સભ્યની ફરિયાદના આધારે FIR નોંધાઈ હતી. જોકે સુપ્રીમ કોર્ટ દ્વારા રચાયેલી SITની તપાસ હજુ ચાલુ હોવાનું સૂત્રોએ જણાવ્યું છે.
