મુંબઈઃ દેશમાં ફરી એક વખત મોબાઈલ સેવાઓ મોંઘી થવાની શરૂઆત થઈ છે. દેશની અગ્રણી ટેલિકોમ કંપની એરટેલે પોતાના પોસ્ટપેઈડ ગ્રાહકો માટેના ટેરિફ પ્લાનમાં રૂ.50 સુધીનો વધારો કરવાની જાહેરાત કરી છે. નવા દરો આવતીકાલે, 8 ઓક્ટોબરથી અમલમાં આવશે.
કંપનીએ તેના તમામ પોસ્ટપેઈડ પ્લાનના ભાવમાં વધારો કર્યો છે. જોકે, ભાવવધારા સાથે ગ્રાહકોને પાંચ દિવસનું આંતરરાષ્ટ્રીય રોમિંગ મફત આપવાની પણ જાહેરાત કરવામાં આવી છે.
એરટેલના જણાવ્યા મુજબ, વર્ષમાં એક વખત મળનારા પાંચ દિવસના ફ્રી આંતરરાષ્ટ્રીય રોમિંગનો લાભ ગ્રાહકોને આશરે રૂ.2,000 સુધીનો ખર્ચ બચાવી શકે છે. કંપનીનો દાવો છે કે આ વધારાની કિંમત સામે ગ્રાહકોને આંતરરાષ્ટ્રીય રોમિંગની સુવિધાનો લાભ મળશે.
નવા ટેરિફ લાગુ થયા બાદ એરટેલના પોસ્ટપેઈડ ગ્રાહકો માટે મોબાઈલ બિલમાં વધારો થશે. આ સાથે દેશમાં ફરી એક વખત ટેલિકોમ સેવાઓના ભાવ વધવાની શરૂઆત થઈ હોવાના સંકેતો પણ મળી રહ્યા છે.
