ઈરાનની રાજધાની તેહરાન સહિતના શહેરોમાં અમેરિકાના પ્રમુખ ડોનાલ્ડ ટ્રમ્પને નિશાન બનાવીને વ્યંગાત્મક પોસ્ટરો અને તસવીરો મૂકવામાં આવી રહી છે. આ જ કડીમાં તેહરાનના નાજીરીથ સ્ક્વેરમાં એક વિશાળ લાઈવ હોર્ડિંગ લગાવવામાં આવ્યું છે, જેમાં ટ્રમ્પને જેલના સળિયા પાછળ દર્શાવવામાં આવ્યા છે.
હોર્ડિંગમાં ટ્રમ્પને જેલની કોટડીમાં, એક બેડ અને એક ટોયલેટવાળી જગ્યામાં ગુસ્સો વ્યક્ત કરતા દર્શાવવામાં આવ્યા છે. આ પ્રતીકાત્મક રજૂઆત દ્વારા અમેરિકી પ્રમુખની મજાક ઉડાવવાનો પ્રયાસ કરવામાં આવ્યો છે.
અહેવાલ મુજબ, લગ્ન સમારોહ પર અમેરિકી દળો દ્વારા કરવામાં આવેલા હવાઈ હુમલા અને તેમાં અનેક લોકોનાં મોતના દાવા બાદ ઈરાનમાં ટ્રમ્પ અને અમેરિકા પ્રત્યેનો વિરોધ વધુ તીવ્ર બન્યો છે. જોકે, હુમલાની વિગતો અને હોર્ડિંગ અંગેના દાવાની સ્વતંત્ર પુષ્ટિ જરૂરી છે.
