ગેરેજમાં ચાલી રહ્યો હતો નશીલા પદાર્થોનો ધંધો; પોલીસે NDPS એક્ટ હેઠળ ગુનો નોંધી તપાસ તેજ કરી
અંજાર: કચ્છના અંજાર તાલુકાના વરસામેડી વિસ્તારમાં પોલીસે નશીલા પદાર્થોના ગેરકાયદે વેપાર સામે કાર્યવાહી કરતાં એક શખ્સને 270 ગ્રામ ગાંજા સાથે ઝડપી પાડ્યો છે. બાતમીના આધારે કરાયેલા દરોડા દરમિયાન પોલીસે ગાંજાનો જથ્થો કબજે કર્યો હતો.
પ્રાથમિક તપાસમાં સામે આવ્યું છે કે આરોપી પોતાના ગેરેજમાંથી ગાંજાનું ગેરકાયદેસર વેચાણ કરતો હતો. પોલીસે સ્થળ પરથી ગાંજો જપ્ત કરી આરોપીની ધરપકડ કરી છે.
આરોપી સામે NDPS એક્ટ હેઠળ ગુનો નોંધી વધુ તપાસ હાથ ધરવામાં આવી છે. ગાંજાનો જથ્થો ક્યાંથી લાવવામાં આવતો હતો અને તેની સપ્લાય ચેઇનમાં અન્ય કોણ સંડોવાયેલું છે તે દિશામાં પોલીસે તપાસનો વ્યાપ વધાર્યો છે.
