મધ્યપૂર્વના તણાવ વચ્ચે ક્રૂડ ઓઇલના ભાવ વધતા પાકિસ્તાનમાં પેટ્રોલિયમ સંકટની ભીતિ
પાકિસ્તાનમાં આર્થિક સંકટ વચ્ચે પેટ્રોલિયમની કિંમતોને લઈને ચિંતા વધી છે. પાકિસ્તાનના પેટ્રોલિયમ મંત્રી અલી પરવેઝ મલિકે ચેતવણી આપી હોવાનું અહેવાલોમાં જણાવાયું છે કે જો દેશમાં તેલ અને ગેસની અછત ઊભી થાય તો પેટ્રોલનો ભાવ પ્રતિ લીટર 1,000 પાકિસ્તાની રૂપિયા સુધી પહોંચી શકે છે.
મધ્યપૂર્વમાં વધતા તણાવ અને ક્રૂડ ઓઇલના આંતરરાષ્ટ્રીય ભાવમાં વધારાની અસર પાકિસ્તાન પર પણ પડી રહી છે. મંત્રીના જણાવ્યા મુજબ દેશમાં પેટ્રોલિયમ ઉત્પાદનોના ભાવ અગાઉથી જ નોંધપાત્ર રીતે વધી ચૂક્યા છે અને વૈશ્વિક બજારમાં પણ ભાવ વધવાની અસર જોવા મળી રહી છે.
અહેવાલ મુજબ પાકિસ્તાનમાં હાલમાં પેટ્રોલનો ભાવ 389.14 પાકિસ્તાની રૂપિયા પ્રતિ લીટર, જ્યારે ડીઝલનો ભાવ 424.04 રૂપિયા પ્રતિ લીટર છે. વધતી કિંમતોને ધ્યાનમાં રાખીને સરકારે પેટ્રોલિયમના વપરાશ અને પુરવઠા અંગે વિવિધ નિયંત્રણો પણ લાગુ કર્યા છે.
