રાજકોટ ક્રાઈમ બ્રાન્ચે માલીયાસણ ચોકડી પાસેથી સાયલાના ઘીરા મોહન કુકડીયાને ચાર ગેરકાયદેસર હથિયારો સાથે ઝડપી પાડ્યો છે. આરોપી પાસેથી દેશી બનાવટની બે પિસ્તોલ અને બે તમંચા મળી આવ્યા છે.
પોલીસના જણાવ્યા મુજબ અગાઉ ઝડપાયેલા રીપલા ઉર્ફે વિપુલ કાગડીયાએ ઘીરા કુકડીયાને આ હથિયારો આપ્યા હતા. અગાઉના કેસમાં ચાર હથિયારો જપ્ત થયા હતા, જ્યારે હાલની કાર્યવાહીમાં વધુ ચાર હથિયારો મળતાં કુલ 8 હથિયારો કબજે કરવામાં આવ્યા છે.
હથિયારો ક્યાં સપ્લાય કરવાના હતા અને નેટવર્કમાં અન્ય કોણ સામેલ છે તે અંગે તપાસ શરૂ કરવામાં આવી છે. આરોપીના રિમાન્ડ મેળવવાની કાર્યવાહી ચાલી રહી છે અને પૂછપરછમાં હથિયાર સપ્લાયની વધુ કડીઓ બહાર આવે તેવી શક્યતા છે.
