મુંબઈ: ભારતીય સિનેમાની સૌથી મોંઘી ફિલ્મ ગણાતી **‘રામાયણ’**નું કુલ બજેટ અંદાજે ₹4,000 કરોડ છે. નિતેશ તિવારીના નિર્દેશનમાં બની રહેલી આ ફિલ્મ બે ભાગમાં રિલીઝ થશે, જેમાં પ્રથમ ભાગ દિવાળી 2026 અને બીજો ભાગ દિવાળી 2027માં આવશે.
ફિલ્મમાં રણબીર કપૂર ભગવાન શ્રીરામની ભૂમિકામાં જોવા મળશે, જેના માટે તેમને બંને ભાગ મળીને ₹150 કરોડ ફી આપવામાં આવી છે. જ્યારે યશ રાવણની ભૂમિકામાં અને કો-પ્રોડ્યુસર તરીકે ₹100 કરોડ લઈ રહ્યા છે.
સાઈ પલ્લવી (સીતા)ને ₹12 કરોડ, સની દેઓલ (હનુમાન)ને ₹40 કરોડ અને રવિ દુબે (લક્ષ્મણ)ને ₹10થી ₹20 કરોડ ફી ચૂકવાઈ છે. વિવેક ઓબેરોયએ પોતાના પાત્ર માટે ફી લીધા વગર પ્રોજેક્ટમાં યોગદાન આપ્યું છે.
ફિલ્મનું સંગીત એ.આર. રહેમાન અને હોલિવૂડના દિગ્ગજ હેન્સ ઝિમર તૈયાર કરી રહ્યા છે. રહેમાને આશરે ₹30 કરોડ ફી ઉપરાંત પ્રોફિટ શેર પણ મેળવવાનો છે. ફિલ્મનું શૂટિંગ પૂર્ણ થઈ ગયું છે અને હાલ પોસ્ટ-પ્રોડક્શનનું કામ ઝડપથી ચાલી રહ્યું છે.
