ટોસ જીતીને ભારતે ન્યુઝીલેન્ડને બેટિંગમાં ઉતાર્યું; શરૂઆતની વિકેટો ઝડપથી પડતાં યજમાન ટીમ મુશ્કેલીમાં મુકાઈ
ભારત સામેની બીજી વન-ડે મેચમાં ન્યુઝીલેન્ડની બેટિંગ લાઇનઅપ ભારતીય બોલરો સામે વેરવિખેર થઈ ગઈ હતી. ભારતે ટોસ જીતીને પ્રથમ બોલિંગ કરવાનો નિર્ણય લીધો હતો, જેની અસર શરૂઆતથી જ જોવા મળી હતી. ન્યુઝીલેન્ડે માત્ર 53 રનના સ્કોર સુધીમાં પોતાની પાંચ મહત્ત્વપૂર્ણ વિકેટ ગુમાવી દીધી હતી.
ન્યુઝીલેન્ડની શરૂઆત નિરાશાજનક રહી હતી. ઓપનર સાઈકર્ટ ખાતું ખોલાવ્યા વિના જ પેવેલિયન પરત ફર્યો હતો. ત્યારબાદ યંગ 6 રન બનાવી આઉટ થયો હતો, જ્યારે નિકોલ્સે 11 રનનું યોગદાન આપ્યું હતું. કેપ્ટન લેથમ 7 રન અને ગ્લેન ફિલિપ્સ શૂન્ય રને આઉટ થતાં ન્યુઝીલેન્ડની મુશ્કેલીમાં વધારો થયો હતો.
એક પછી એક વિકેટ પડતાં યજમાન ટીમ દબાણમાં આવી ગઈ હતી. જોકે, ડેરિલ મિચેલે એક છેડો સંભાળીને 36 રન બનાવ્યા હતા, જ્યારે મિચેલ સેન્ટનર 17 રન સાથે તેમને સાથ આપી રહ્યો હતો. બંને બેટ્સમેનોની ભાગીદારીથી ન્યુઝીલેન્ડનો સ્કોર ધીમે ધીમે આગળ વધી રહ્યો હતો.
છેલ્લા અહેવાલ મળ્યા ત્યારે ન્યુઝીલેન્ડે 28 ઓવરમાં પાંચ વિકેટ ગુમાવીને 84 રન બનાવ્યા હતા. ભારત તરફથી આકિબદાર અને ગુરનુર બ્રારે બે-બે વિકેટ ઝડપી હતી, જ્યારે કંબોજે એક વિકેટ પોતાના નામે કરી હતી.
શરૂઆતની પાંચ વિકેટ ઝડપીને ભારતીય બોલરોએ મેચમાં પોતાની પકડ મજબૂત બનાવી હતી. હવે ન્યુઝીલેન્ડની બાકીની ઇનિંગ્સમાં મિચેલ અને સેન્ટનર કેટલો મોટો સ્કોર ઊભો કરી શકે છે તેના પર સૌની નજર હતી.
