સુરક્ષા જોખમ વચ્ચે પણ દર રવિવારની પરંપરા જાળવી; બુલેટપ્રૂફ શેલના કવચમાંથી ચાહકોને મળ્યા બોલિવૂડના મહાનાયક
બોલિવૂડના મહાનાયક અમિતાભ બચ્ચનને તાજેતરમાં ધમકી મળ્યા બાદ તેમની સુરક્ષામાં વધારો કરવામાં આવ્યો છે. રવિવારે તેઓ પોતાના નિવાસસ્થાનની બહાર એકત્ર થયેલા પ્રશંસકોનું અભિવાદન કરવા માટે બુલેટપ્રૂફ કાચના સુરક્ષા કવચમાં બહાર આવ્યા હતા. સુરક્ષા જોખમ હોવા છતાં તેમણે ચાહકોને મળવાની પોતાની પરંપરા જાળવી રાખી હતી.
તાજેતરમાં ટાઇગર શ્રોફ સાથે જોડાયેલી ગોળીબારની ઘટના બાદ બોલિવૂડના કલાકારોની સુરક્ષાને લઈને પણ ચર્ચા શરૂ થઈ છે. આ દરમિયાન અમિતાભ બચ્ચનને ધમકી મળ્યાના અહેવાલો સામે આવ્યા હતા. પરિણામે રવિવારે ચાહકોનું અભિવાદન કરતી વખતે તેમની આસપાસ વિશેષ સુરક્ષા વ્યવસ્થા જોવા મળી હતી.
