સોનાના દાગીના, 2 મોબાઈલ અને રોકડ સહિત રૂ.2.99 લાખનો મુદ્દામાલ કબજે
રાજકોટ: રાજકોટ રેલવે જંકશન પર ટ્રેનમાંથી મુસાફરનું પર્સ ચોરી કરનાર **સાદાન ઉર્ફે રાજુ સમીર ડોસાણી (21)**ને રેલવે પોલીસે ગણતરીના કલાકોમાં ઝડપી લીધો છે.
ફરિયાદ મુજબ પર્સમાં સોનાની ચેઇન, બુટી, બે મોબાઈલ ફોન અને રોકડ હતી. પોલીસે બાતમીના આધારે ગેલ માતાજીના મંદિર નજીકથી આરોપીને ઝડપી લીધો હતો.
આરોપી પાસેથી ચોરી થયેલું પર્સ અને સામાન મળી આવતા પોલીસે કુલ રૂ.2.99 લાખનો મુદ્દામાલ કબજે કર્યો છે.
પોલીસ તપાસમાં આરોપી સામે અગાઉના ચોરી, દારૂ, જાહેરનામા ભંગ અને મારામારી સહિતના ગુનાઓ નોંધાયેલા હોવાનું સામે આવ્યું છે.
રેલવે પોલીસે વધુ તપાસ હાથ ધરી છે.
