28 વર્ષીય SC વિલાના કેપ્ટન પર હુમલો; હોસ્પિટલમાં સારવાર દરમિયાન જીવ ગુમાવ્યો
કંપાલા: યુગાન્ડાના ઈન્ટરનેશનલ ફૂટબોલર અને SC વિલાના કેપ્ટન ડેવિડ ઓવેરીની અજાણ્યા હુમલાખોરોએ હત્યા કરી છે. 28 વર્ષીય ઓવેરી પર મંગળવારે કંપાલાના એક ઉપનગરમાં હુમલો કરવામાં આવ્યો હતો.
હુમલા બાદ ગંભીર રીતે ઘાયલ હાલતમાં મળી આવેલા ઓવેરીને સ્થાનિક લોકોએ હોસ્પિટલ પહોંચાડ્યા હતા. ત્યારબાદ તેમને બીજી હોસ્પિટલમાં ખસેડવામાં આવ્યા હતા, જ્યાં તબીબોએ તેમને મૃત જાહેર કર્યા હતા.
ये भी पढ़ें
ફેડરેશન ઓફ યુગાન્ડા ફૂટબોલ એસોસિએશનએ ઓવેરીને યુવાનો માટે પ્રેરણાસ્ત્રોત ગણાવી શ્રદ્ધાંજલિ આપી છે.
ઘટનાને પગલે યુગાન્ડાના રમતજગતમાં શોકની લાગણી ફેલાઈ છે. નેશનલ કાઉન્સિલ ઓફ સ્પોર્ટ્સે ખેલાડીઓની સુરક્ષાને લઈને ચિંતા વ્યક્ત કરી છે.
સંસદના ડેપ્યુટી સ્પીકર થોમસ તયેબવાએ ઘટનાની યોગ્ય તપાસ કરી જવાબદારો સામે કડક કાર્યવાહી કરવાની અપીલ કરી છે.
