અમેરિકાએ ખાસ દવાઓ અને જરૂરી ઘટકો પર ટેરિફ શૂન્ય કર્યો, પેટન્ટેડ દવાઓ પર 100% શુલ્કની તૈયારી
અમેરિકા પેટન્ટેડ ફાર્માસ્યુટિકલ આયાત પર 100% ટેરિફ લાદવાની તૈયારી કરી રહ્યું છે, ત્યારે ભારત સહિત 20 દેશોમાંથી આયાત થતી કેટલીક વિશેષ દવાઓ અને જરૂરી ઘટકોને મોટી રાહત આપવામાં આવી છે.
યુએસ કોમર્સ ડિપાર્ટમેન્ટની યાદી મુજબ દુર્લભ બીમારીઓની દવાઓ, ફર્ટિલિટી ટ્રીટમેન્ટ, સેલ અને જીન થેરાપી, એન્ટીબોડી-ડ્રગ કંજ્યુગેટ્સ સહિતની કેટલીક દવાઓ પર શૂન્ય ટકા એડ વેલોરમ ટેરિફ લાગુ થશે.
આ દવાઓના ઉત્પાદન માટે જરૂરી એક્ટિવ ઇન્ગ્રેડિયન્ટ્સ અને કી સ્ટાર્ટિંગ મટિરિયલ્સને પણ ટેરિફમાંથી મુક્તિ મળશે. જોકે, પેટન્ટેડ દવાઓ પર અમેરિકાની 100% ટેરિફ નીતિ યથાવત્ રહેશે.
આ રાહત એવા દેશોને આપવામાં આવી છે જેમની સાથે અમેરિકા વેપાર અને સુરક્ષા ક્ષેત્રે સમજૂતી ધરાવે છે અથવા આવી સમજૂતી થવાની સંભાવના છે.
