ટ્રમ્પનો દાવો: બંને દેશો સમજૂતીની નજીક, અગાઉની સમજૂતીઓથી અલગ હશે નવો કરાર
અમેરિકાના રાષ્ટ્રપતિ ડોનાલ્ડ ટ્રમ્પે ભારત અને અમેરિકા વચ્ચે લાંબા સમયથી ચાલી રહેલી વેપાર સમજૂતીની મંત્રણા અંગે સકારાત્મક સંકેતો આપ્યા છે. ટ્રમ્પના જણાવ્યા અનુસાર, બંને દેશો સમજૂતીને અંતિમ સ્વરૂપ આપવાની નજીક છે અને આ કરાર અગાઉ થયેલી સમજૂતીઓથી અલગ પ્રકારનો હશે.
વ્હાઇટ હાઉસમાં પત્રકારો સાથેની વાતચીત દરમિયાન ટ્રમ્પે જણાવ્યું હતું કે ભારત સમજૂતી કરવા ઇચ્છે છે અને બંને દેશો કરારની દિશામાં આગળ વધી રહ્યા છે.
દરમિયાન, ભારતની મુલાકાતે આવેલા અમેરિકાના વિદેશમંત્રી માર્કો રૂબિયો અને ભારતના વિદેશમંત્રી એસ. જયશંકર વચ્ચે મુંબઈમાં મુલાકાત યોજાઈ હતી. બંને નેતાઓએ પ્રસ્તાવિત દ્વિપક્ષીય વેપાર સમજૂતીને ઝડપથી પૂર્ણ કરવા અંગે પ્રતિબદ્ધતા વ્યક્ત કરી હતી. રૂબિયોએ ભારત-અમેરિકા વચ્ચેના વ્યૂહાત્મક સંબંધોને પણ અસાધારણ ગણાવ્યા હતા.
