યુક્રેન યુદ્ધ વચ્ચે યુરોપમાં તણાવ વધ્યો છે. સ્પેનિશ અખબાર El Mundoના અહેવાલ મુજબ અમેરિકી ગુપ્તચર તંત્રએ કેટલાક યુરોપિયન દેશોને રશિયા દ્વારા સંભવિત ડ્રોન હુમલાને લઈને ચેતવણી આપી છે. જોકે, આ અહેવાલની સ્વતંત્ર રીતે પુષ્ટિ થઈ નથી.
અહેવાલ મુજબ સંભવિત હુમલામાં સ્પેન, ફ્રાન્સ અથવા ઇટાલીને નિશાન બનાવવાની આશંકા વ્યક્ત કરવામાં આવી છે. ડ્રોનને વ્યાપારી જહાજોમાં શિપિંગ કન્ટેનરની અંદર છુપાવીને ભૂમધ્ય સમુદ્રમાંથી લોન્ચ કરવાની શક્યતા અંગે યુરોપિયન સરકારોને માહિતી આપવામાં આવી હોવાનું કહેવાય છે.
અહેવાલમાં Gerbera પ્રકારના ડ્રોનનો ઉલ્લેખ છે. તેની મહત્તમ રેન્જ આશરે 600 કિલોમીટર સુધી હોવાનો દાવો કરવામાં આવ્યો છે.
આ સંભવિત હુમલાની માહિતી અનામી સૂત્રોના આધારે સામે આવી છે અને હાલ રશિયાએ આવી કોઈ કાર્યવાહી શરૂ કરી હોવાની સ્વતંત્ર પુષ્ટિ ઉપલબ્ધ નથી. બીજી તરફ, યુરોપિયન સુરક્ષા અધિકારીઓ રશિયા તરફથી સંભવિત ડ્રોન, સેબોટાજ અને અન્ય હાઇબ્રિડ પ્રવૃત્તિઓ અંગે ચિંતા વ્યક્ત કરી રહ્યા છે.
