કહ્યું- મફતમાં નહીં, સરકારી દરે જમીન ખરીદીશ; દિલ્હીથી ઉત્તરાખંડ શિફ્ટ થવાની ઈચ્છા
નવી દિલ્હી: ભારતીય ક્રિકેટર ઋષભ પંતે મોડી રાત્રે ઉત્તરાખંડના મુખ્યમંત્રી પુષ્કર સિંહ ધામી પાસે જમીન ખરીદવા માટે મદદ માંગી છે. સોશિયલ મીડિયા પર પોસ્ટ કરીને પંતે જણાવ્યું કે તેઓ છેલ્લા ત્રણ વર્ષથી ઉત્તરાખંડમાં યોગ્ય જમીન શોધી રહ્યા છે, પરંતુ હજુ સુધી સફળતા મળી નથી.
પંતે કહ્યું કે તેઓ દિલ્હીથી પોતાનું ઘર ઉત્તરાખંડમાં શિફ્ટ કરવા માંગે છે અને પોતાના પહાડી લોકો વચ્ચે રહેવા ઈચ્છે છે. સાથે જ રાજ્યના વિકાસમાં યોગદાન આપવાની ઈચ્છા પણ વ્યક્ત કરી છે.
પંતે સ્પષ્ટ કર્યું કે તેઓ મફત જમીન કે કોઈ ભેટ માંગતા નથી. તેઓ સરકાર પાસેથી નિયમ મુજબ સરકારી દરે જમીન ખરીદવા તૈયાર છે. જોકે, જમીન ખરીદવાની પ્રક્રિયા અંગે તેમને યોગ્ય માર્ગદર્શનની જરૂર હોવાનું તેમણે જણાવ્યું છે.
પંતની આ પોસ્ટ બાદ સોશિયલ મીડિયા પર ચાહકોની પ્રતિક્રિયાઓ જોવા મળી રહી છે.
ઉલ્લેખનીય છે કે નાણાકીય વર્ષ 2025-26માં ઋષભ પંતે રૂ.23.84 કરોડનો ટેક્સ ચૂકવ્યો હોવાનું સામે આવ્યું છે.
