જાપાન 57 રનમાં ઓલઆઉટ; શેફાલી વર્માની અણનમ 40 રનની ઇનિંગથી ભારતે 5 ઓવરમાં લક્ષ્યાંક પાર કર્યો
એશિયન ગેમ્સની મહિલા T20 ક્રિકેટ ટુર્નામેન્ટમાં ભારતીય ટીમે વિજય સાથે શરૂઆત કરી હતી. ભારતે યજમાન જાપાનને 8 વિકેટે હરાવીને ટુર્નામેન્ટમાં પોતાની પ્રથમ જીત નોંધાવી હતી.
પ્રથમ બેટિંગ કરતા જાપાનની ટીમ 19.5 ઓવરમાં માત્ર 57 રનમાં ઓલઆઉટ થઈ ગઈ હતી. જાપાન તરફથી 16 વર્ષીય આયાકા કાતો-સ્ટેનફર્ડે સૌથી વધુ 25 રન બનાવ્યા હતા. ભારત તરફથી શ્રીચરનીએ 4 અને શેફાલી વર્માએ 2 વિકેટ ઝડપી હતી.
58 રનના લક્ષ્યાંકનો પીછો કરવા ઉતરેલી ભારતીય ટીમે શરૂઆતમાં કમલીની 0 અને ફુલમાળી 6 રને વિકેટ ગુમાવી હતી. જોકે શેફાલી વર્માએ એક છેડો સંભાળી રાખ્યો હતો અને અણનમ 40 રન ફટકાર્યા હતા.
રીચા ઘોષે પણ અણનમ 12 રનની ઇનિંગ રમી હતી. બંનેની શાનદાર બેટિંગના આધારે ભારતે માત્ર 5 ઓવરમાં 2 વિકેટે 59 રન બનાવીને મેચ જીતી લીધી હતી.
