રૂ.7,000 કરોડના ખર્ચે દેશમાં 1,800 કિ.મી. નવી LPG પાઈપલાઈનનું નેટવર્ક ઊભું થશે
દેશમાં LPGનો પુરવઠો વધુ ઝડપી અને સુરક્ષિત બનાવવા કેન્દ્ર સરકારે મોટો નિર્ણય લીધો છે. રૂ.7,000 કરોડના ખર્ચે 1,800 કિ.મી. લાંબી નવી LPG પાઈપલાઈન નાખવામાં આવશે.
નવી પાઈપલાઈનથી તેલંગાણા, મહારાષ્ટ્ર, ઉત્તર પ્રદેશ, ઉત્તરાખંડ, કર્ણાટક અને ગોવા સહિતના રાજ્યોને આવરી લેવામાં આવશે.
= હાલના નેટવર્કમાં 1,800 કિ.મી.નો વધારો
હાલ દેશમાં આશરે 7,000 કિ.મી.ની LPG પાઈપલાઈન કાર્યરત છે. તેમાં નવી 1,800 કિ.મી.ની પાઈપલાઈન ઉમેરાતા દેશનું LPG પરિવહન નેટવર્ક વધુ વિસ્તૃત બનશે.
= LPG સપ્લાય વધુ ઝડપી અને સલામત બનશે
નવી પાઈપલાઈનથી લાંબા અંતર સુધી LPG પહોંચાડવાની પ્રક્રિયા વધુ સુવ્યવસ્થિત બનવાની આશા છે. પરિવહનનો સમય ઘટાડવા ઉપરાંત સપ્લાય ચેઈનને વધુ મજબૂત બનાવવામાં પણ આ પ્રોજેક્ટ મહત્વપૂર્ણ બની શકે છે.
= છ રાજ્યોને સીધો લાભ
તેલંગાણા, મહારાષ્ટ્ર, ઉત્તર પ્રદેશ, ઉત્તરાખંડ, કર્ણાટક અને ગોવા સુધી પાઈપલાઈન નેટવર્ક પહોંચવાથી આ વિસ્તારોમાં LPGની વધતી માંગને પહોંચી વળવામાં મદદ મળશે.
રૂ.7,000 કરોડનું રોકાણ અને 1,800 કિ.મી.નું નવું નેટવર્ક દેશની LPG પરિવહન વ્યવસ્થાને વધુ મજબૂત બનાવવાની દિશામાં મહત્વનું પગલું બની શકે છે.
