મળતી માહિતી મુજબ, 25 અને 26 મે, 2026ના રોજ ભારતીય કોસ્ટ ગાર્ડ અને ગુજરાત ATS દ્વારા સંયુક્ત રીતે વિશેષ ઓપરેશન હાથ ધરવામાં આવ્યું હતું. આ ઓપરેશન દરમિયાન સમુદ્ર માર્ગે તસ્કરી થતી 118.977 કિલોગ્રામ કોકેનનો જથ્થો ઝડપી પાડવામાં આવ્યો હતો. આંતરરાષ્ટ્રીય ડ્રગ્સ નેટવર્ક સામેની આ કાર્યવાહી સુરક્ષા એજન્સીઓ માટે મોટી સફળતા માનવામાં આવે છે.
આ સફળ ઓપરેશનમાં ફરજ પ્રત્યેની પ્રતિબદ્ધતા, વ્યાવસાયિક કુશળતા અને બહાદુરી દર્શાવવા બદલ ભારતીય કોસ્ટ ગાર્ડે ગુજરાત ATSના પાંચ અધિકારીઓને સન્માનિત કર્યા છે.
સન્માનિત અધિકારીઓમાં સામેલ છે:
- SP કે. સિદ્ધાર્થ (IPS)
- PI જે.એમ. પટેલ
- PI વી.આર. જાડેજા
- PI બી.એમ. પટેલ
- PI જે.એન. ચાવડા
આ સન્માન ગુજરાત ATS અને ભારતીય કોસ્ટ ગાર્ડ વચ્ચેના મજબૂત સંકલન તેમજ સંગઠિત ગુનાખોરી અને નશીલા પદાર્થોની તસ્કરી સામેની અસરકારક કામગીરીની સાબિતી માનવામાં આવી રહ્યું છે. સુરક્ષા એજન્સીઓની આ સફળતાથી ડ્રગ્સ નેટવર્ક સામે લડત વધુ મજબૂત બનશે તેવી આશા વ્યક્ત કરવામાં આવી રહી છે.
